Gibasura sa International Criminal Court (ICC) ang petisyon sa kampo ni kanhi Presidente Rodrigo Duterte kalabot sa hurisdiksyon sa korte.
Base sa desisyon sa ICC Pre-Trial Chamber nga giluwatan karong Oktubre 23, ilang gibarogan nga sila awtorisado nga ipadayon ang kaso batok sa kanhi presidente for crimes against humanity.
Gidugang niini nga makaya nila ang kaso bisan pa man sa Pilipinas nahitabo ang krimen.Philippine Travel Guides
Gisalikway usab sa korte ang hangyo sa depensa nga i-postpone ang pagpagawas sa desisyon.
Kini nagpasabot nga ang prosekusyon sa kaso magpadayon sa The Hague.
Kahinumduman nga nasikop si Duterte niadtong Marso 11 tungod usab sa hangyo sa ICC isip kabahin sa imbestigasyon sa “war on drugs” sa dihang siya pa ang presidente.
Ang kompirmasyon sa mga kaso gi-postpone niadtong Septiyembre 23 tungod sa hangyo sa kampo ni Duterte.
Gibasura usab sa ICC Pre-Trial Chamber ang hangyo sa defense team alang sa interim release sa kanhi presidente.
