-- ADVERTISEMENT --

Gireklamo sa inahan sa lima ka anyos nga bata nga namatay human malumos sa swimming pool sa usa ka beach resort sa Barangay Bawing, General Santos City ang kakulang sa safety precautions sa maong pasilidad.

Matud ni alyas Tine, wala nila mabantayi nga nakabalik ang iyang anak sa swimming pool nga walay kauban tungod kay daghan silang mga bata nga kauban.

Gikuwestiyon usab niini ang kawalay lifeguard nga nagbantay sa swimming pool sa panahon nga nalumos ang bata tungod kay breaktime kuno ang lifeguard.

Gidala pa ang bata sa usa ka medical center sa Barangay Calumpang aron matambalan, apan gideklarang dead on arrival

Nangayo usab og hustisya ang pamilya ug pinansyal nga tabang alang sa ilang pamilya human sa pagkawala sa ilang anak

-- ADVERTISEMENT --