GENERAL SANTOS CITY – Walay matudlo nga responsable sa pagpatay kang Police Corporal Ricky Gomez ang inahan niini nga si Alias Neneng dihang mahidangat sa dakbayan aron iproseso ang patay nga lawas sa nahisgutan aron madala sa Kidapawan City.
Sukad matud pa nahimo nga Pulis ang anak wala kini maka estorya kaniya kung may bahad nga gani wala matud pay ikasulti ang mga residente sa ilang lugar tungod respitado ug buotan.
Hinuon gibutyag niini nga posible sa trabaho isip usa ka tinugyanan sa balaud.
Tanan matud pa sila natay-ug human gipahibalo nga gipusil ang nahigsutan dinhi sa dakbayan hinungdan nga apektado ang pagtuon sa mga igsuon sa biktima.
Matud usab niini nga mga gagmay pa ang tulo ka anak ni Corporal Gomez nga anaa pa lamang nagtungha sa elementarya.
Gituhu-an pa niini nga bisitahon sa anak ang mga classmate sa Barangay Fatima nga giingong adtu-an sa biktima.
Kahinumduman nga nakalabay nga gabii gipusil patay ang biktima gamit ang armalite rifle basi sa mga basyo nga narekober sa crimescene.
