Nagpadayag si Senador Imee Marcos sa iyang gibati kang Presidente Ferdinand Marcos Jr. ug sa pipila niya ka kabanay kalabot sa mga isyu nga giatubang sa nasud.
Sa usa ka video post, upat ka mga placards nga adunay mga ngalan ni Presidente Marcos, Cong. Sandro Marcos, Cong. Martin Romualdez, ug Liza Marcos ang gipakita.
Sa samang higayon, gipangutana ang senador kon kinsa sa upat ang iyang labing gikasuk-an.
Matod ni Senador Imee, naluoy siya kang Cong. Sandro Marcos tungod kay “bata pa lang” siya ug nadamay na sa kagubot nga giatubang sa nasud.
Gipadayag usab niya ang iyang kasubo alang sa iyang igsoon nga si Presidente Marcos Jr. “36 years namin inasam-asam ito, pinagtrabaho, pinagdasal—nasayang e!,”sumala ni Imee
Samtang, giangkon niya nga labaw pa sa kalagot ang iyang gibati ngadto sa iyang ig-agaw nga si kanhi House Speaker Martin Romualdez.
Gipunting dayon sa senador ang asawa ni Presidente Marcos, si Liza Marcos, nga nag-ingon, “E, hindi ko naman kamag-anak ‘yan e, hindi ko naman kaano-ano,” miinsistir ang senador.
