GENERAL SANTOS CITY – Gisugdan na sa kapulisan sa dakbayan ang paghan-ay sa mga preparasyon aron sa paghatag ug hugot nga seguridad alang sa gikatakda nga State of the City Address ni Gensan Mayor Lorelie Pacquiao.
Kini human nga nagpatawag ug tigum si City PNP Director Col. Nicomedez Olaivar Jr. sa nagkadaiyang stakeholder sa syudad kung asa nahisgutan ang pagsiguro nga magmalinawon ang maong aktibidad.
Kuyog ni Olaivar ang mga opisyal sa kapulisan ug pipila ka sakop sa Information technology samtang mitambong usab ang pipila Konsehal sa syudad. Gitutukan ang mga dalan paingon sa City Hall maingon man ang palibut nga lugar nga gikahimutangan sa City Hall.
Kini na ang ikatulo nga pagpahigayon sa Mayor ug State of the City Address nga ipahigayon sa sunod bulan.
Sa maong higayon idiga sa kasamtangang administrasyon ang mga nahimo nga kalambu-an ilawom sa iyang pagdumala.
