Dismayado si US presidetial son Hunter Biden sa desisyon sa korte sa iyang mga kaso.
Kini ang nahimong reaksyon ni Biden human nga napamatud-an sa federal jury nga siya guilty sa tulo ka federal felony gun charges.
Nakalapas matud pa kini sa balaud nganong nakakuha ug mga armas luyo nga adunay adiksyon sa iligal nga droga.
Dugang pa niini nga nagpasalamat na lamang siya tungod kauban niya ang iyang pamilya nga misuporta kaniya.
Sa habig usab ni US President Joe Biden nga bisan siya ang presidente sa US, anaa gihapon ang pagka-usa ka amahan niya.
Gisuportahan niya kauban ang asawang si Jil ang unsa mang giagian sa anak.
Bisan nga pangulo siya sa US iyang girespeto ang unsa mang balaud.
Ang mga kaso gilangkoban sa duha ka ihap sa pagpamakak niini sa federal background check form nga kini gagamitan ug iligal nga droga ug ang ikatulong ihap mao ang pagpanag-iya niini ug armas samtang ‘addicted’ o gagamitan ug iligal nga droga nga gibawal sa balaud.
Ang maong desisyon ang unang panghitabo sa kasaysayan sa US nga ang immediate family member sa usa ka pangulo ang napamatud-ang guilty sa kaso.
Basahan kini ug desisyon pagkahuman sa 120 ka adlaw kung asa pwedeng mabilanggp si Hunter ug 25 ka tuig ug magbayad ug hangtud $750,000.
