GENERAL SANTOS CITY – Hugot nga seguridad ang gipatuman sa kapulisan sa paghidangat kagahapon ni Pangulong Rodrigo Duterte dinhi sa dakbayan.
Gawas sa mga pulis nga gipakatag, aduna usab mga nagpatrolyang police cars sa mga kalsada nga giagian sa sakyanan sa pangulo og sa convoy niini gikan sa GenSan Airport hangtud sa usa ka mountain resort sa siyudad.
Sa impormasyong gipadangat sa Bombo Radyo sa usa ka kapitan sa syudad, gibutyag niini nga lakip siya sa mga kapitan nga mitambong sa panagpulong kagabie kauban ang pangulo.
Sa iyang pamahayag nga usa sa mga agenda nga nahisgutan ang kalabot sa anti-illegal drugs campaign.
Unang migawas sa report nga ang rason sa pagbisita pag-usab ni Pangulong Duterte sa Gensan aron mahimamat ang mga bag-ong miyembro sa political party niining Partido Demokratiko Pilipino–Lakas ng Bayan (PDP-Laban) gikan sa Sarangani at South Cotabato.
