-- ADVERTISEMENT --
Mipasalig ang House prosecution panel nga ilang ipadayon ang patas ug bukas nga pagpagawas sa impormasyon kalabot sa impeachment trial batok kang Sara Duterte.
Sumala sa panel, importante ang transparency aron mapadayon ang pagsalig sa publiko sa proseso sa husay ug aron masiguro nga ang tanang ebidensya ug impormasyon maipakita sa hustong paagi ug sa saktong proseso.
Giingon usab sa mga prosecutor nga andam sila mosunod sa mga lagda sa impeachment court ug magpresentar og kompleto nga kaso base sa balaod ug pamaagi sa husay.
Sa karon, padayon ang preparasyon sa duha ka kampo samtang gilauman nga mas mudugang pa ang detalye sa mga sunod nga hearing sa impeachment trial.
