GENERAL SANTOS CITY – Dakpan ang usa ka gikonsiderang High Value Indibidual ug kauban niini nga usa ka manikurista human nakuhaan ug 3 million ka pesos nga kantidad sa illegal drugs atol sa gipahigayon nga operasyon sa mga sakop sa Regional Police Drug Enforcement Unit (RPDEU) 12 ug GenSan City Police Office sa Purok Silway Fatima, Brgy. Dadiangas West, General Santos City, nakalabay nga adlaw.
Ang mga suspek, giila lamang nga alyas “Berting ”, 46-anyos, gikonsiderang high value target ug si alyas “Wena ”, 19-anyos, manikurista, gikonsiderang Street Level Individual.
Matud sa kapulisan nga napalitan ug usa ka gramo sa gituhuang shabu ang duruha sa gipahigayon nga buy bust operation.
Dihang girikisa na ang duruha nakuhaan pag-usab ug 515 ka gramu sa gituhuang shabu nga may market value nga P3,502,000.
Pagka karon giimbestigahan pa ang duruha kung kinsa ang ilang kauban sa palusot sa druga.
Silang Berting ug Wena pulos residente sa Silway Fatima Barangay West. ,
