GENERAL SANTOS CITY – Gitutukan karon sa Philippine Drug Enforcement Agency (PDEA)12 ang North Cotabato tungod sa maong lugar naggikan ang pinakadaghang shabu nga ilahang nakuha sa operasyon.
Matud pa kang Kath Abad ang tigpamaba sa PDEA-12, dinagko ang transaksyon sa maong lugar.
Sa ilang datus, mukabat na ngadto sa P9.9 million ang kantidad sa droga nga ilang nakumpiska sugod niadtong bulan sa Enero hangtud na sa kasamtangan.
Mukabat matud pa sa 1.45 ka kilo sa shabu, 1.6 kilos sa pinaugang dahon sa marijuana ug 1,114 ka mga ka mga punuan sa marijuana ang na-ibot.
Nakuha ang maong mga shabu sa mukabat 245 ka mga operasyon nga gipahigayon sa ahensya kung asa miresulta kini sa pagkasikop sa 288 ka mga suspect.
Dili magmalampuson ang mga naasoyng operasyon kun dili usab sa tabang sa mga sakop sa PNP og PDEA sa BARRM.
