Gibuhian na sa Butuan City Police Station-3 kagabii ang nadakpang habal-habal driver nga gika-ingong maoy milugos sa 19-anyos nga dalagang pasahero nga magpahatud unta sa Brgy Pagatpatan ning siyudad apan gidala sa usa ka payag sa National Irrigation Administration kon NIA canal sa Brgy Pinamanculan ning siyduad.
Kini human wala’y lig-ong ebidensya nga magtumbok nga kini ang mihimo sa maong dalaga ilabina nga dili mao ang gi-describe niining motorsiklo nga iyang gisakyan ngadto sa motorsiklo usab sa nadakpan.
Gawas pa, wala usa’y laceration ang kinatawo sa dalaga base na sa resulta sa iyang laboratory test.
Migawas usab sa makuting pakisusi sa kapulisan nga nagpa-blotter na kaniadto ang biktima sa susamang alegasyon ug napamatud-an nga wala usa’y kamatu-uran.
