Gubat tali sa Israel ug Iran posible nga makaapekto sa ekonomiya sa Pilipinas

GENSAN- Gibutyag ni Professor Andy Villa sa MSU-Gensan nga dako ang epekto sa nagpadayon nga gubat tali sa Iran ug Israel sa kalibutan, ilabi na sa mga OFW nga anaa sa Middle East nga mikabat og 2 millions.

Posible usab kini makaapekto sa ekonomiya sa Pilipinas tungod sa pagsaka sa presyo sa lana, ilabi na nga ang Iran anaa sa top 8 sa mga nasod nga naga-produce og lana ug top 3 sa gas producers.

Dugang pa ni Villa, gitan-aw nga babag og tunok ang Iran sa Israel.

Sa pamahayag pa sa nasampit nga ang isyu sa nuclear bomb sa Iran posible nga magresulta og grabe nga kadaut ilabi na sa moderno nga teknolohiya karon nga panahon.