GENSAN-Suportado sa General Santos City Police Office (GSCPO) ang usa sa mga reporma nga gusto nga ipatuman ni Philippine National Police (PNP) chief Gen. Nicolas Torres III nga ang tanang pulis mahimong disiplinado og masiguro ang ilang maayong panglawas.
Sumala ni Police Colonel Nicomedes Olaivar Jr. labaw sa GSCPO nga gipatutukan ni Gen. Torre ang importansya sa pagmintina sa Body Mass Index (BMI) og Physical Fitness Test (PFT) sa mga pulis.
Gibutyag ni Olaivar nga matag tuig ginapahigayon ang BMI nga kinahanglang mapasar sa pulis.
Sa iyang pamahayag nga ang pulis ang angayang ‘physically’ og ‘mentally fit’ aron mas matutukan pa pagmaayo ang pagtuman sa ilang mga mandato og responsibilidad isip tigpatuman sa balaod.
Aminado ang nasampit nga opisyal nga bisan siya ang wala mamintina ang regular nga pag-ehersisyo tungod sa kadaghang trabaho kada adlaw.
Hinuon, ang pulis bag-o ang pagsulod sa serbisyo ang pasado sa BMI og PFT apan kung anaa sa serbisyo usahay malimtan ang pag-exercise.
Kalabot niini, nagpahimangno si Gen. Torre sa mga kapulisan nga maaapektohan ang promosyon sa mga pulis kung sila ‘overweight’.
Mahimong requirements matod pa sa kapulisan ang pagsunod sa tama nga BMI og angayang makapasar sa PFT kung gusto nga ma-promote o motaas ang ilang ranggo sa serbisyo.
