-- ADVERTISEMENT --
GENERAL SANTOS CITY – Gibutyag sa General Santos City Police Office kon GSCPO ubos sa pagdumala ni Police Colonel Jomar Alexis Yap, nga nakadawat ang ilang buhatan ug pasidungog isip sunud-sunod nga Rank no. 1 gikan sa bulan Enero hangtod bulan sa ABRIL tuig 2023 base sa Unit Performance Evaluation kon UPER.
Bisan pa nga ang dakbayan nag-atubang sa mga hagit bahin sa kaluwasan ug seguridad sa milabayng bulan ug mga adlaw, wala kini makaapekto sa padayon nga pagserbisyo sa mga kapulisan sa GSCPO nga kanunayng wala ginapasagdan ang mga kaso nga ilang gitutukan.
Matod pa ni Yap, aron makahatag og tinud-anay nga serbisyo sa katawhan sa Heneral Santos, gikinahanglan nga dili mapalit o masukod sa salapi ang serbisyo sa usa ka opisyal.
