GENSAN– Padayon ang hugot nga seguridad atol sa selebrasyon sa Kalilangan 2026, ilabi na sa closing ceremony karong adlawa, Pebrero 27, kini ang gisiguro ni PCol. Nicomedez Olaivar Jr., City Director sa GSCPO.
Matod ni Olaivar nga padayon siyang naga-inspeksyon sa mga kapulisan nga gipahimutang sa nagkadaiyang key areas aron masiguro ang kaandam sa operasyon, disiplina ug ka-alerto sa pagbuhat sa ilang responsibilidad.
Dugang pa ni Olaivar, ang inspeksyon nagpunting sa husto nga pagpatuman sa tanang seguridad nga lakang ug sa pagpadayon sa kahimtang sa kalinaw ug kahapsay sa tibuok kalihokan.
Personal usab niyang gisusi ang mga opisyal sa mga kritikal nga mga lugar aron palig-onon ang pagpatuman sa mga gi-establisar nga security protocols.
Ang maong lakang usa ka pagpangandam aron masiguro nga ang Kalilangan 2026 magpadayon nga malinawon ug luwas alang sa tanan atol sa selebrasyon.
