Giawhag ang National Union of People’s Lawyers (NUPL) sa mga bar examinees karong tuiga nga gamiton ang ilang pasalig sa hustisya isip basehanan sa ilang pag-take ug exam.
Sa usa ka pamahayag, gipahinumdoman sa NUPL nga ang pagtuon sa Balaod kinahanglang inubanan sa integridad ug kamaayo aron mapanalipdan ang interes sa publiko ug mahatagan og serbisyo publiko.
Matod pa sa grupo, ang mga examinees karong tuiga angay pahinumdoman nga ang lagda sa balaod mopatigbabaw sa mga korapsyon ug kahiwian nga nasinati karon sa matag Pilipino.
Busa, nanawagan ang NUPL sa pagpanalipod sa hustisya ug sa tawhanong katungod sa matag lungsoranon ug pakigbatok sa korapsyon.
Sa laing bahin, kining mga panawagan sa grupo gumikan gihapon sa init nga mga diskusyon kalabot sa mga anomaliya nga mitumaw sa mga proyekto sa gobyerno sa pagsumpo sa baha, nga gisusi usab karon sa Kongreso.
