GENERAL SANTOS CITY -Posibleng mag-abli og dakong oportunidad sa kalibutan sa boxing alang kay Jeff Horn ang engkwentro niini kontra kay Senator Manny Pacquiao.
Kini ang gibutyag ni Arnel Antiporda, usa ka boxing analyst dinhi sa dakbayan sa eksklusibong pakighinabi sa Bombo Radyo.
Matud pa, mahitabo lamang kini kung ihatag ni Horn ang tanan niyang makaya ibabaw sa ring aron mapildi ang fighting senator.
Gibutyag ni Antiporda, pagkakaron, miani na og kasikatan ang Australian boxer tungod sa pagsugot nga makasangka ang Pinoy ring icon.
Apan mas maayo gihapon nga ipakita ni Horn ang iyang katakos og kamaayo ilabina na mutan-aw ang mga dagkong boxing promoter.
Gikadugang pa niini, ugaling maka-survive man si Horn sa 12 rounds nga walay knockout og mamahimong dikit ang away tali kay Pacman, posibleng adunay sunod nga offer kaniya alang sa sunod nga engkwentro.
Ugaling mahitabo kini, makonsidera si Horn nga usa mga maayong boxer sa welterweight division.
