GENERAL SANTOS CITY – Dili maayo nga magpatawag ug presscon apan ang unod niini pangdaot sa uban.
Kini ang gibutyag ni Gensan city mayor Lorelie Pacquiao sa bag-uhay nga presscon nga gilusad sa partido RCRI kung asa gikabutyag nga may mga korapsyon ang kasamtangang administrasyon.
Sumala pa sa Mayor, sa bahin usab sa ilang partido, may plano na nga magpahigayon ug presscon apan ginahulat lang ang signal sa ilang gikonsidera nga amahan sa partido nga si kanhi Sen. Manny Pacquaio.
Apan dako ang posibilidad nga idungan ang maong presscon sa oathtaking sa mga kapitan ug kagawad nga mibalhin gikan sa laing partido ngadto sa ilang partido sa Peoples Champ Movement kon PCM.
Gipasalig usab sa mayor nga luyo sa mga nadunggan nga alegasyon, magpadayon siya sa nasugdan nga trabaho isip local chief executive sa dakbayan.
