SARANGANI – Hugtanong gipanghimakak sa kampo ni Pastor Apollo Quiboiloy nga nagtagoan ang nasampit sa Kitbog Blaan Community sa Barangay Poblacion, Malungon, Sarangani Province.
Matud ni Atty. Kaye Laurente, ang nagpailang Legal Representative sa puganteng pastor nga walay kamatuoran nga gikanayong hideout ni Quiboloy ang maong kabukiran.
Matud niini nga gikan pa sa miaging tuig wala na makabisita ang nahisgutan sa lugar.
Gibutyag usab niini nga kaniadtong 1980s pa nakaabot ang pastor sa maong dapit kung asa dinha usab nagsugod sa iyang spiritual activities kung gipa-ambit niya sa mga residente sa lugar.
Sa iyang pamahayag nga may mga natukod nga pipila ka mga gambalay sa tabang sa pastor ug daghang natabangan nga mga residente sa lugar nga mga miyembro usab sa Kingdom of Jesus Christ.
Samtang nanghinaut si Atty. Laurente nga magpatigbabaw ang kamatuoran sa mga kasong giatubang ni pastor Quiboloy ug muagi sa due process ang tanan ug dili trial by publicity.
