GENERAL SANTOS CITY – Pinasahe ang Youth Convergence alayun sa Gensan Summer Youth Festival ning tuiga. Kini ang gibutyag ni Judith Janiola sa City Population Office.
Matud sa nasampit, nakit-an nila nga sa miaging duha ka tuig nga Youth Convergence kon asa gipahigayon sa oval plaza wala kaayo nalingaw ang mga kabatan-unan.
Hinungdan sa nangita sila karon og paagi aron bag-o kini sa mga partisipante.
Gibutyag ni Janiola nga karong tuiga may adventure nga matigayon gumikan may aktibidad nga matigayon sa gawas sa sentro sa dakbayan. Didto kini ipahigayon sa Banla Ecopark sa Brgy Olympog ning dakbayan.
Sumala pa ni Janiola nga gihan-ay na karon sa lokal nga panggamhanan ang matigayon nga Gensan Summer youth festival kon asa tumong nga gihimo kini sa dakbayan aron matabangan ang mga batan-on atol sa summer season.
Ang grand opening ang mahitabo sa Abril 21 og sa Abril 22 hangtod 23 ang pag-adto sa mga partisipante sa Banla Ecopark.
