GENERAL SANTOS CITY – Nakadawat ang dakbayan sa Heneral Santos ug road and home award gikan sa usa ka sikat nga pamantalaan sa nasud.
Personal kining gidawat ni Engr. Risa Marie Patches, labaw sa CEMCDO ning siyudad, ug Vice Mayor Shirlyn Bañas-Nograles.
Matud ni Engr. Patches, lakip ang Gensan sa 13 ka mga siyudad sa tibuok nasud alang sa Philippine model cities.
Sumala pa nga gikan sa 145 ka mga siyudad, gipili ang 37 hangtod nga nahimong 13 na lamang kung asa lakip ang Gensan kung asa daghang kategorya ang gibasehan, samtang ang Bacolod City ang maoy nanguna.
Samtang, ang Road and Home award nga nadawat sa Gensan ang gibase sa mga imprastraktura lakip na sa mga housing projects.
Sa pagkakaron, gikabutyag nga dakong hagit ngadto sa lokal nga panggamhanan ning siyudad ug sa katawhan nga himuong mas maayo pa ang pagserbisyo publiko aron manguna sa Philippine model cities.
