GENERAL SANTOS CITY – Nanguna gihapon ang GenSan sa may labing daghang kaso sa COVID 19 sa Rehiyon 12.
Sa labing ulahing report kagabii sa Department of Health 12-Center for Health Development nga anaa na sa 716 ang kaso sa COVID 19 sa GenSan og 261 niini ang padayon pang nagpaayo.
Samtang 659 sa bahin sa South Cotabato nga may 138 active cases.
Ang ikatulo nga pwesto ang Cotabato City nga may 530 ka kaso og 145 ang actives cases.
Ang ikaupat nga pwesto ang North Cotabato 205 ka kaso nga may 54 ka active cases.
Ang ikalima nga pwesto ang Sarangani 185 ka kaso og 48 ang aktibong kaso.
Ang Sultan Kudarat ang may 159 ka kaso og 19 ang actives cases.
Sa katibuk-an ang Rehiyon 12 ang may 2,554 ka kaso samtang 665 ang active cases, 75 ang patay og 1,713 ang nakarekober.
Kahibaluan nga sa report nga gipagawas kagabii 33 ang nadugang nga kaso sa COVID 19 sa Region 12 samtang anaa sa 35 ang nakarekober samtang duha ang nadugang sa ihap sa namatay tungod sa covid 19.
