GENSAN – Gisaulog ning adlawa dili lamang sa Pilipinas apan sa ubang kanasuran ang Chinese New Year, o Spring Festival, ang usa sa pinakahalapad ug makasaysayanong selebrasyon sa kultura ug tradisyon.
Sa tibuok nasud, daghang mga lungsod ug syudad ang nag-andam sa espesyal nga programa, lion ug dragon dances, fireworks, culinary fairs, ug cultural exhibits aron ipakita ang kahayag, kolor, ug kalipay nga dala sa pagsugod sa bag-ong tuig sa Chinese calendar.
Alayon niini, dinhi sa Gensan, miduyog ang mga mall og nagkadaiyang establisiemento sa maong selebrasyon kung asa gipasiugdahan sa mga malipayong pasundayag.
Matag Chinese New Year, nahimong kabahin na sa ilang tradisyon sa usa ka mall ang dragon og lion dance. Tungod gitan-aw nga simbolo kini sa swerte og pag-abog sa malas.
Gani, ang matag stall o puwesto sa mall ang nagasab-it og og ‘ampao’ og kini ginakuha sa mga nangulo sa lion dance. Samtang nagpahigayon usab ang Filipino -Chinese Fire Brigade og dragon dance.
