GENSAN- Gipahayag ni Representative Shirlyn Bañas-Nograles sa Lone District sa General Santos ang iyang lig-on nga pagsupak sa bisan unsang lakang alang sa impeachment batok sa kang VP Sara Duterte.
Sumala ni Bañas, dili kini ang angay nga panahon alang sa dugang nga political instability sa nasud, ilabi na nga daghan karon ang giatubang nga krisis sa tibuok kalibutan.
Gihisgotan sa konggresista ang mga tensyon sa gawas sa nasud, sama sa nahitabo nga panagbangi sa Iran, Israel ug Amerika, nga nagpahinabo sa pagsaka sa presyo sa lana ug krudo nga direktang nakaapekto sa mga Pilipino.
Gidugang ni Bañas nga sukad pa kaniadto, dili na siya uyon sa mga impeachment proceedings, mapa-Presidente man o sa Bise Presidente.
Alang kaniya, mas mapuslanon kon mag-focus ang gobyerno sa pagpangita og tinuod nga solusyon sa mga problema sa ekonomiya ug uban pang hagit nga giatubang sa mga katawhan karon.
