GENERAL SANTOS CITY – Gipangandaman na karon sa syudad sa Heneral Santos ang inaugural flight sa eroplano gikan Clark International Airport padulong sa GenSan and vice versa sa Pebrewro 2, 2020.
Matud pa ni Kagawad Shandee Llido Pestaño, chaiperson sa committee on tourism nga kini ang resulta sa pagpaningkamot sa syudad nga maablihan ang maong rota aron sayon sa mga taga Gensan ang makaadto sa northern portion sa Luzon og ang pagpadala sa mga produkto.
Ang maong rota sa eroplano ang makadugang sa pagpalambo sa turismo sa syudad.
Gibutyag nga adunay 50 ka slots nga libre nga gihatag sa syudad alang sa maong biyahe.
Gumikan niini ang GenSan ang abli na sa tanang mga international airport sa nasud Pilipinas.
Preparasyon usab kini sa dakbayan sa hingpit nga operasyon oras mahuman na ang expansion sa construction sa mas dakong airport sa dakbayan.
