GENERAL SANTOS CITY – Nagpasa ug urgent resolution ang GenSan City Council aron awhagon ang Comelec nga ihinayon ang congressional race sa unang distrito sa South Cotabato dungan sa May 13, 2019 midterm elections.
Kini human magpagawas ug En Banc resolution ang Comelec aron suspensuhon ang pagpili sa mamahimong representante sa 1st district, human gipirmahan ni Pangulong Duterte ang Republic Act 11243 kaniadtong Marso 11, 2019.
Kini ang balaod nga nagdeklara sa GenSan isip ikatulong distrito sa South Cotabato, samtang magpabilin sa unang distrito ang Tupi, Tampakan ug Polomolok.
Rason sa konseho gumikan migasto na matud pa ang mga kandidato sa pagka-kongresista, samtang mugasto usab ang gobyerno konugaling magpahigayon ug special elections.
Gihingusgan usab sa mga konsehal nga sulod sa unom ka bulan, walay mamahimong walang representasyon sa Kongreso ang kapin tunga sa milyon nga katawhan sa GenSan.
Angayan usab matud pa nga ibase sa kon unsa man ang nakalatid sa balaod, ang ginahimong IRR sa Comelec En Banc.
Nasayran nga sa 2022 election pa makaangkon ug kaugalingong election alang sa pagka- kongresista ang GenSan.
