GENERAL SANTOS CITY – Personal nga giimbitahan sa General Santos City Chamber of Commerce and Industry Incorporated si kanhi Senator Manny Pacquiao aron mahimong kabahin sa 33rd Mindanao Business Conference sa September 2024.
Kini human nga nagkauban sa panihapon ang presidente sa Chamber nga si kanhi Sarangani Governor Miguel Rene Dominguez uban si GSCCCII Executive Director Myrvic Kapunan og GenSan Mayor Lorelie Pacquiao, Liga ng mga Barangay President Councilor Bobby Pacquiao. Naistoryahan ang kabahin sa maong okasyon nga usa sa dako ug mahinongdanong aktibidad sa Chamber karong Setyembre.
Gilauman nga kapin sa 1,000 ka mga negosyante gikan sa tibuok Mindanao ang motambong aron makita nila ang dakong potensyal sa GenSan og sa SOCCSKSARGEN Region sa natad sa negosyo, industriyal, manufacturing, og daghan pa.
Andam usab ang lokal nga kagamhanan sa dakbayan sa pag-host sa tinuig nga Mindanao Business Conference karong tuiga.
