GENERAL SANTOS CITY – Gikalipay ug dako sa Hall of Fame trainer Freddie Roach ang naangkon nga kalapusan ni WBO Asia pacific Youth Flyweight Champion Vince Paras.
Kagahapon misaka sa Wild card Gym si Paras hinungdan nga nagkita sila ni Roach.
Tulo ka tuig ang milabay dihang si Paras ang usa sa mga batang latagaw sa kadalanan nga gustong makasulod sa boxing gyms aron makita ang gihimong pagbansay ni Manny Pacquiao.
Human gibutyag nga gusto niining magboksing gihatagan kini ug boxing Gloves ni Coach Freddie Roach ug gitudlo-an sa mga teknik.
Niining kasamtangan si Paras usa sa mga batan-ong boxing prospects sa nasud nga gahupot sa naasoy nga titulo.
Giangkon niini kang Roach nga naa pa kadtong Boxing Gloves nga hinatag ni Roach nga handumanan sa pagsugod niinis a pagboksing.
Samtang proud usab ang boxing trainer nga makit-an subli ang batang latagaw nga world champion na ning gutloa.
Una nang giangkon ni Paras nga gihimong inspirasyon sa pag boxing si Pacquiao nga iyang silingan kaniadto sa barangay Labangal.
Kasamtangan si paras adunay boxing record nga 11wins 0 Loss 0 draw nga adunay 9 KO’s.
