Kusganong gisupak ni kanhi Presidente Rodrigo Duterte ang bisan unsang plano nga ibaligya ang iyang balay sa Doña Luisa Village sa Davao City, sumala sa iyang anak nga si Davao City First District Rep. Paolo Duterte.
Usa ka litrato sa karaang balay sa kanhi Presidente nga adunay karatula nga “For Sale” una nga nag-viral online kaniadtong miaging semana.
Apan sa pakighinabi sa magbabalaod nga bag-o lang mibisita sa iyang amahan sa International Criminal Court (ICC) detention facility sa The Hague, Netherlands, ang kanhi presidente gikatahong nitug-an kaniya nga dunay lawom nga sentimental value kaniya ang maong property tungod mao kini ang unang balay nga iyang napalit gamit ang iyang kaugalingong kuwarta, hinungdan nga dili niya gustong ibaligya kini bisan pa man nga napriso siya sa laing nasod.
Si Cong. Pulong giklaro nga lahi ang nahisgutang balay sa property nga gikompirmar sa dugay nang kasosyo ni Honeylet Avanceña nga ibaligya, nga naghatag ug katin-awan sa mga huhungihong sa bisan unsang panagbangi sa pamilya nga may kalabotan sa ilang kabtangan.
Samtang ang magbabalaod nipaabot sa mensahe sa kanhi Presidente ngadto sa katawhang Pilipino, nga nagpasalamat sa ilang suporta ug niingon nga dili na siya anagy nga kabalak-an tungod matud pa gidawat na sa kanhi Presidente nga mao na kini ang iyang kapalaran.
