Giinsister ni Vice President Sara Duterte nga dili molayas ang iyang amahan nga si kanhi Presidente Rodrigo Duterte kung mahatag ang iyang interim release.
Sa interbyu gikan sa Kuwait, si VP Sara niingon nga gusto sa iyang amahan nga magpabilin sa Davao City kung itugot sa korte. Siya miingon nga kini ang balik-balik nga gisulti sa kanhi Presidente kaniya, human sa iyang bag-o nga pagbisita sa ICC detention center sa The Hague, Netherlands.
Ubos sa Rome Statute, ang mga napriso sa ICC mahimong mohangyo og temporaryong kagawasan kon sila makatagbo sa pipila ka mga kondisyon. Usa na niini ang pagpasalig nga dili babagan o hadlukon ang mga saksi.
Sa laing bahin, ang legal team sa kanhi Presidente nangandam na usab og laing mosyon nga wala pa nila masumiter ngadto sa korte.
Wala pa mohatag og detalye ang Bise Presidente bahin niini. Karong Septiyembre 23, ipahigayon ang confirmation hearing sa mga kaso ni FPRRD sa ICC.
