GENERAL SANTOS CITY – Dugay nang gapangayo ang provincial government sa Sarangani ug financial data sa munisipyo sa Malapatan.
Kini ang gibutyag ni Gov. Steve Chongbian Solon sa pakighinabi sa Bombo Radyo, tungod sa namatikdan ang mga inconsistencies hinungdan nga gimanduan ang panggamhanan sa Malapatan nga angayang sutaon ang ilang budget.
May kalabutan kini sa giatubang nga financial crisis sa nasampit nga munisipyo, tungod sa mga kwestiyonable nga mga cash advances.
Matud ni Gov. Solon, dili sila makapahigayon ug lakang tungod ang Commission on Audit (COA) ang maoy nagpahigayon ug imbestigasyon kalabot sa naasoy’ng isyu.
Ug ang mamahimong resulta ang isumite matud pa ngadto sa Ombudsman. Dungan niini, gihingusgan ni Gov. Solon nga dili angayang maapektuhan ug mapugngan ang mga proyekto ug programa sa Malapatan tungod sa naasoy’ng isyu ug problema
