Gilauman nga mamahimong malampuson ug manguna ang Men’s Basketball Team sa Germany sa umaabot nga Paris Olympics dungan sa padayon nga pasalig sa mga German NBA players ngadto sa ilang nasud.
Diin sa umaabot nga Paris Olympics, lima ka NBA players ang gipaabot nga moduwa ug pinangulohan ni kanhi FIBA 2023 MVP Dennis Schroder, kinsa anaa karon sa Brooklyn Nets.
Makauban ni Schroder sila si kanhi NBA player Isaac Bonga, ug ang bigman sa Los Angeles Clippers nga si Daniel Theis.
Ang duha ka magsoong Wagner gikan sa Orlando Magic gilauman usab nga moduwa sa German team.
Kahinumduman nga ang Team Germany mao’y kampiyon sa FIBA 2023 nga gipahigayon sa Pilipinas niadtong Agosto 25, 2023 hangtod Septiyembre 10, 2023.
Napildi sa Germany ang Team USA sa FIBA sa semi-finals ug sa kadugayan nakaabante sa championship game, batok sa Serbia.
Tungod sa pagka champion, nakasulod ang Germany sa Olympics diin nakalinya kini sa France, Japan, ug ang mananaog sa Latvia Qualifying Tournament nga nahiangay sa Group B.
