Ex-PBA player Mark Cardona gidakop tungod sa sekswal nga pag-abuso sa usa ka babaye sa usa ka bar

Gidakop sa mga otoridad ang kanhing PBA player nga si Mark Cardona human kini gireklamo tungod sa giingong pang-bastos sa usa ka dalaga.

Matud sa kapulisan, giingong kalit nga mihalok si Cardona sa usa ka 21-anyos nga babaye sulod sa usa ka night club sa Bonifacio Global City sa Taguig niadtong gabii sa Marso 28.

Tungod niini, midoul ang nobyo sa babaye ug didto na misangpot sa pisikal nga panaglalis tali kanila.

Ang mga security guard sa bar ang mipatunga ug mitawag dayon sa mga pulis aron mapakalma ang sitwasyon.

Dugang pa, adunay pipila ka kababayen-an nga mipadayag usab og parehas nga reklamo batok sa kanhing basketbolista.

Karong tuiga, nag-atubang si Cardona og kasong acts of lasciviousness ug physical injury.