Giangkon ni Pang. Rodrigo Duterte sa Quad Committee hearing karong adlawa nga personal niyang gipatay ang unom ngadto sa pito ka mga indibidwal nga gitawag og mga kriminal niadtong mayor pa siya sa Davao City.
Ang kanhi presidente mihimo sa pagsulti sa maong pahayag atol sa iyang pagtambong sa Quad Comm hearing nga nag-imbestigar sa giingong extrajudicial killings (EJKs) ubos sa Duterte administration.
Kini human nga nangutana si Gabriela Party-list Rep. Duterte si Arlene Brosas kung nakapatay na siya.
Nitubag ang kanhi presidente nga duna siyay napusilan ug wala na niya gi-follow up kung namatay.
Matod niya nga nagpatrolya siya sa kadalanan sa Davao gamit ang motorsiklo ug nanghinaot nga makasugat og pipila ka mga kriminal.
Gihatagan og gibug-aton ni Brosas ang responsibilidad ni Duterte sa EJK ug gihagit siya nga moangkon sa publiko nga siya ang responsable sa tanang pagpamatay nga nahitabo.
Subling gibarogan ni Duterte nga responsable siya sa tanan nga nahimo sa kapulisan gumikan sa iyang kamandoan.
Gipangutana usab ni Brosas ang kanhi Pangulo bahin sa “Davao model” o “Davao style approach” nga iyang gipatuman sa iyang nasudnong kampanya batok sa droga.
Wala motubag si Duterte sa pangutana, hinuon, iyang gibalibaran si Brosas ug giingnan nga dili motubag og ‘oo’ o ‘dili’.
