Hugot nga gihimakak ni Batangas Rep. Gerville “Jinky Bitrics” Luistro nga adunay “double standard” ang House Committee on Justice sa pagproseso sa mga impeachment complaint.
Matud niya, pareho ang sukdanan nga gigamit sa reklamo batok kang Pres. Ferdinand Marcos Jr. ug Vice Pres. Sara Duterte, apan dako ang kalainan tungod kay adunay klaro nga ebidensya sa personal nga partisipasyon sa panig sa Bise Presidente.
Giingon ni Luistro nga sa kaso sa Presidente, napakyas ang mga nagreklamo sa pagpamatood sa iyang direktang kalabot sa alegasyon sa korapsyon sa budget, ug ang pagpirma sa General Appropriations Act bahin lamang sa iyang opisyal nga katungdanan.
Sa laing bahin, adunay “direct evidence” batok kang Duterte, labi na ang video nga nagpakita sa iyang paghulga batok sa kinabuhi sa Presidente, First Lady, ug sa kanhing Speaker.
Gigamit ni Luistro ang legal nga prinsipyo nga “res ipsa loquitur” aron ipakita nga ang video mismo nga nagpamatuod sa personal nga partisipasyon sa Bise Presidente. Tungod niini, giila niya nga lig-on ang basihan sa reklamo batok kang Duterte kumpara sa gibasurang kaso sa Presidente.
