GENERAL SANTOS CITY – Wala una giapil sa pagpasaka ug kaso nga carnapping ang duha ka sakop sa PNP nga gilambigit sa upat ka suspek nga naa karon sa kustudiya sa Highway Patrol Group 12.
Gibutyag ni Police Chief Instr. Cariño nga gikasuhan na sa pagsupak sa RA 6539 silang Macky Berzola nga taga Tantangan South Cotabato, Sandy Laurol de la Cruz sa Bo.Singco Koronadal, Jenneth Vergara ug John Rivera nga taga Koronadal City.
Gibutyag sa opisyal nga gawas sa upat ka suspek ila pang gikuhaan ug background ang duha ka pulis nga nalakip sa pagpangawat ug motor nga nag-operate sa Tantangan South Cotabato.
Nakuha gikan sa grupo ang upat ka motorsiklo nga kustudiya sa Highway Patrol Group 12.
Nasayran nga dugay nang ginamonitor ang kalihukan sa grupo.
Lakip sa gidakop mao silang Jenneth Vergara ug John Rivera nga taga Koronadal City.
Ang duha ka mga pulis ang nalambigit matud pa sa carnapping incident sa rehiyon dose.
