Duha ka iro, nakagawas sa kulungan ug midagan sa tunga sa highway; Mga netizens nalingaw

Nag-viral online ang video sa duha ka iro nga nakagawas ug midagan tunga sa MIA Road sa Pasay City niadtong Miyerkules, Setyembre 2.

Matod sa nakakuha sa video nga si Lianne, namatikdan niyang nihinay ang dagan sa trapiko tungod kay gigukod sa usa ka babaye ang duha ka iro.

Pipila usab ka rider ug motorista ang mitabang aron mapugngan ang mga iro.

Human sa hapit duha ka minutos nga paggukod, nadakpan ra gyud ang mga iro dihang nakaabot kini sa usa ka grupo sa mga estudyante.

Sumala sa ilang furparent, ang mga iro nga sila si Joe nga Pomeranian ug Sethie nga Pug, nakagawas human nadaot ang lock sa ilang kulungan.

Samtang, luwas usab nga nakabalik sa ilang panimalay ang duha ka iro.