Padayon nga gimonitor sa PAGASA ang duha ka tropical cyclone human migawas sa Philippine Area of Responsibility o PAR ang Typhoon Obet kagabiee
Sumala sa PAGASA, alas-9:30 sa gabii, anaa na sa gawas sa PAR ang Typhoon Obet ug namataan sa 1,310 kilometros silangan-hilagang-silangan sa Extreme Northern Luzon.
Aduna kiniy kusog nga hangin nga moabot sa 155 kilometros kada oras ug pagbugso nga hangtod 190 kilometros kada oras, samtang naglihok pahilagang-kasadpan sa gikusgon nga 25 kilometros kada oras.
Samtang, padayon usab nga gimonitor ang Tropical Storm Atsani ug Tropical Depression Gaenari, nga kaniadto ginganlan og bagyong Neneng.
Ang Atsani anaa sa 1,770 kilometros silangan sa Northern Luzon, nga adunay kusog nga hangin nga 65 kilometros kada oras ug pagbugso nga hangtod 80 kilometros kada oras.
Samtang ang Gaenari anaa sa 665 kilometros hilagang-kasadpan sa Itbayat, Batanes, nga adunay kusog nga hangin nga 45 kilometros kada oras ug pagbugso nga hangtod 75 kilometros kada oras.
