Malampusong gipahigayon sa Bombo Radyo Philippines ang Dugong Bombo 2026 nga may temang “A Little Pain, A Life to Gain,” usa ka tibuok-nasud nga kampanya sa pagdonar og dugo, inubanan sa Bombo Radyo Philippines Foundation Inc. ug Philippine Red Cross. Dungan kining gipahigayon sa nagkadaiyang key cities sa nasud kagahapon Nobyembre 14, 2026, diin nakatigom og kinatibuk ang 1,964,250 cubic centimeters o cc nga dugo, nga katumbas sa halos 1,964 ka litro o hapit napulo ka drums.
Nakompleto kini pinaagi sa 4,365 ka malampusong blood donors sa tibuok nasud.
Gipadayag sa Bombo Radyo Philippines ang dakong pasalamat sa tanang malampusong blood donors, lakip na ang mga nagparehistro apan wala makadonar tungod sa medical screening requirements.
Gipasalamatan usab ang tanang partner agencies, local government units, civic ug community organizations, volunteers ug nagkalainlaing grupo nga mitabang aron mahimong malampuson ang maong kampanya.
Pinaagi niini, mas daghang pasyente ang matabangan nga makadawat og dugo nga posibleng makaluwas sa ilang kinabuhi panahon nga gikinahanglan nila kini. Dugang pa sa usa ka kampanya sa pagdonar og dugo, gipakita sa Dugong Bombo ang diwa sa pagmaluluy-on, pagkamahinatagon ug bayanihan, diin ang matag donasyon naghatag og paglaum ug kahigayonan nga makaluwas og kinabuhi.
Isip pagpasalamat, nakadawat ang mga malampusong blood donors og espesyal nga Dugong Bombo T-shirts, init nga pagkaon, bitamina, snacks ug mga ilimnon.
Sa katapusan, gipadayag sa Bombo Radyo Philippines ang kinasingkasing nga pasalamat sa tanang midonar, miapil, miboluntaryo ug misuporta sa kampanya nga nakatampo sa kalampusan sa Dugong Bombo 2026.
Dugong Bombo 2026: A Little Pain, A Life to Gain.
Basta Radyo… Bombo!
