Nitaho ang Department of Social Welfare and Development nga kapin sa 2.9 milyones ka kabus nga senior citizens sa Pilipinas ang nakadawat og social pension.
Kini alang sa ikaduhang quarter karong tuiga.
Matod ni DSWD Protective Services Bureau Director Edmond Monteverde, moabot sa 2.2 milyones ka senior citizens ang makadawat og P3,000 matag usa sa unang bahin sa 2025.
Mikabat sa 751,022 ang nakadawat og P6,000 matag usa alang sa una ug ikaduhang quarter.
Ang social pension sa mga indigent seniors sa nasud subay sa Republic Act 11916 diin giusbawan kini ngadto sa P1,000 matag buwan sukad sa unang buwan sa miaging tuig.
Ang ahensya padayong naningkamot nga ma-adjust ang social pension sa mga senior sa tukma nga panahon pinaagi sa pakigtambayayong sa mga lokal nga kagamhanan.
