Gidugangan sa Department of Social Welfare and Development o DSWD ang ilang reserbang family food packs ug non-food relief items sa mga bodega niini sa tibuok nasud aron malikayan ang kakulang sa suplay panahon sa kalamidad.
Sumala kang DSWD Secretary Rex Gatchalian, hapit lima ka milyon ka family food packs ang ilang naka-stock karon alang sa mga naapektuhan sa Bagyong Maymay, habagat ug uban pang kalamidad.
Matud niya, kamandoan ni Pangulong Ferdinand Marcos Jr. nga kinahanglan daan nga pre-positioned ang mga relief supplies sa dili pa moabot ang bagyo, linog, pagbuto sa bulkan ug uban pang kalamidad.
Sa pagkakaron, kapin 54,000 ka family food packs na ang napagawas sa ahensya, ug gilauman pang modaghan kini samtang giproseso ang mga request sa mga lokal nga pangagamhanan alang sa ayuda.
