GENSAN – Gipasiugda ni General Santos City Mayor Lorelie Pacquiao ang kamahinungdanon sa maayong drainage system isip prayoridad sa tanang imprastruktura nga ipatuman sa siyudad, ilabi na ang mga national projects.
Sa usa ka interview gibutyag sa mayor nga ang kakulang sa plano ug koordinasyon sa drainage maoy hinungdan sa daghang problema sa siyudad, lakip na ang pagbaha nga nasinati sa pipila ka lugar.
Iyang gitumbok ang underpass project isip ehemplo sa usa ka proyekto nga nahimong hinungdan sa pagbaha tungod sa walay klaro nga drainage plan.
Gipahimangnoan sa mayor ang tanang national agencies nga magpatuman og proyekto sa General Santos City nga kinahanglang moagi sa lokal nga proseso.
Matod niya, kung buot malikayan ang pagbaha ug kadaut sa mga komunidad, kinahanglan nga ang drainage system maoy unahon ug pagahisgutan og tarong sa matag proyekto.
