Nimando si Department of Transportation (DOTr) Acting Secretary Giovanni Lopez sa Land Transportation Franchising and Regulatory Board (LTFRB) nga silotan ang mga bus company nga dili motuman sa tukmang terminal ug road safety standards.
Kini human niya gisusi ang walo ka bus terminal sa Cubao isip pagpangandam sa Undas. Iyang nasuta nga upat sa mga terminal adunay mga pasilidad o mga sakyanan nga wala makaabot sa standards sa ahensya.
Gihisgutan usab ni Lopez ang panginahanglan sa saktong lingkoranan, bentilasyon, limpyo nga kasilyas lakip na ang all-gender restrooms, ug saktong lugar alang sa mga drayber ug niadtong nag-ilis og diaper o nagpasuso.
Iyang namatikdan nga usa ka Jam Liner bus ang naguba ang mga ligid, ang Dagupan Bus Co. walay saktong pasilidad, ang DLTB Bus Co. adunay expired nga permit, ug ang Super Lines Bus Co.
Gidayeg usab niya ang Victory Liner, Viron Transit, ug Alps Bus Co tungod sa maayong pagka-maintain sa ilang mga terminal, ilabi na sa Victory Liner nga adunay stair assistance alang sa mga senior citizen ug mga baldado.
