Midaug si kanhi four-division world champion ug ang labing dugay nga naghari nga boxing titleholder sa Pilipinas, si Donnie “Ahas” Nietes, sa iyang pagbalik sa ring sa unang higayon sulod sa dul-an sa tulo ka tuig.
Gipildi sa 42-anyos nga boksidor ang iyang kaubang Filipino fighter nga si Miller Alapormina, 27, sa usa ka six-round bantamweight nga sangka sa Elorde Sports Center sa Parañaque City. Natapos ang away sa unanimous decision sa iskor nga 59-55 pabor sa kanhi kampiyon.
Ang professional boxing record ni Nietes misaka ngadto sa 44-2-6 uban ang 23 ka knockouts.
Katapusang nakaaway si Nietes niadtong 2022, diin napildi siya pinaagi sa unanimous decision sa world title rematch batok sa iyang Japanese nga karibal nga si Kazuto Ioka.
Una niini, naila usab si Nietes nga usa sa mga gipangadornohan nga Pinoy nga mga boksidor nga nakadaog sa WBO minimumweight title gikan niadtong 2007 hangtod 2011 sa wala pa mailog ang world titles sa flyweight ug super flyweight divisions.
