Nagpaabot na lamang si Filipino boxing champion Nonito “The Filipino Flash” Donaire karon sa modaog sa Antonio Vargas-Daigo Higa fight sa Japan karong Hulyo 30 alang sa iyang ‘full WBA bantamweight championship’.
Kini human gipildi sa 42-anyos nga Donaire si Andres Campos sa Chile aron makuha ang WBA interim bantamweight title sa away nga gipahigayon sa Argentina.
Nakuha ni Donaire ang technical decision nga kadaugan human gipahunong sa referee ang away sa ikasiyam nga round tungod sa aksidenteng head butt nga gikasamad sa iyang wala nga mata.
Ang resulta sa away maoy nagtuldok sa ikaduhang sunod-sunod nga kapildihan ni Donaire.
Niadtong 2022, napildi siya sa Japanese superstar nga si Noaya Inoue ug napildi usab siya ni Alexandro Santiago niadtong Hulyo 2023.
Si Donaire adunay rekord nga 43 ka daog ug walo ka pildi uban ang 28 ka knockouts
