Nagtaliwan na sa edad nga 80-anyos ang American country music icon nga si Dolly Parton.
Sumala sa iyang pamilya, namatay ang gitawag nga “Queen of Country Music” samtang didto sa Nashville, Tennessee, USA.
Wala pa gipadayag ang hinungdan sa iyang kamatayon.
“Dolly has lived in the light and is in the arms of Jesus, surely met by Carl, her parents, and countless others who have watched her and longed for her to meet them in the heavens,” matod ni Bryan Seaver, iyang pag-umangkon ug head of security sulod sa duha ka dekada.
“Dolly called me and said she wants to rest in a beautiful bed of plush cotton because after a life wearing heavy rhinestones, she finally deserves to be comfortable and have some rest,” dugang niya. “Rest in peace, Aunt Dolly.”
Mikabat og pila ka dekada ang karera ni Dolly sa musika, pelikula, telebisyon ug philanthropy.
Nailhan siya tungod sa iyang mga hit songs sama sa “Jolene” ug “9 to 5,” nga nakapahimo kaniya nga usa ka country music legend ug global superstar.
Si Parton usab ang nagsulat sa “I Will Always Love You,” nga nahimong international hit human kini gikutlo ni Whitney Houston.
Sulod sa iyang taas nga karera, nakasulat si Parton og mga 3,000 ka kanta, nakapagawas og 49 ka studio albums ug kapin sa 100 ka compilation ug collaboration albums.
Niaging Mayo, nahinumduman nga gikansela ni Parton ang pipila niyang concert sa Las Vegas tungod sa nagpadayong mga kabalaka sa iyang panglawas.
