Gipahinumdoman sa Department of Labor and Employment (DOLE) ang mga employer sa saktong suholan atol sa midterm elections karong Lunes, Mayo 12, nga gideklarar nga special non-working holiday.
Matod sa ahensya, ang mga empleyado nga mo-report karong Lunes angayan nga makadawat og full pay ug dugang 30% sa basic wage.
Kini subay sa Presidential Proclamation No. 878 nga gilagdaan ni Presidente Ferdinand Marcos Jr.
Ang mga empleyado nga dili mo-report sa pagtrabaho sa Mayo 12 gipailalom sa “no work, no pay” nga prinsipyo gawas kung adunay polisiya sa kompanya, praktis o collective bargaining agreement.
Makadawat og dugang 30% sa ilang inoras nga suholan ang mga empleyado nga mitrabaho lapas sa walo ka oras o overtime atol sa piniliay.
Ingon man ang mga nagtrabaho sa gitakdang adlaw sa rest day kay angayan nga makadawat og dugang 50% sa ilang batakang suholan sa unang walo ka oras.
Kung nagtrabaho ka sa usa ka adlaw sa pagpahulay nga molapas sa walo ka oras, kinahanglan ka nga bayran og dugang nga 30% sa imong inoras nga sweldo alang sa dugang nga oras.
