Nagpahinumdom ang Department of Health (DOH) mahitungod sa usa ka peke nga page sa social media nga sayop nga ina-associate ang usa ka “nutritional milk” nga produkto nga giingong makapaayo sa chronic insomnia.
Ang peke nga page, nga nagpakaaron-ingnon nga DOH, nagmugna nga ang pag inom niini nga produkto sa adlaw-adlaw mahimong makatabang sa pagpaayo sa panglawas ug maayo nga pag tulog. Sa usa ka pahayag giklaro sa DOH nga wala nila gina endorso o gina ila ang produkto ang gina promote sa peke nga fb page.
Gihatagan usab ug gibugaton nga ang insomnia ang adunay managlahi nga klase ug walay dali nga solusyon.
Gibutyag sa DOH nga ang epektibo nga pagtambal angt gikinanhanglan og mga pamaagi nga nasulayan ug susama sa tama nga sleep hygiene, therapy, ug giya gikan sa mga eksperto sa medisina.
Ang DOH usab nagpagawas og pasidaan bahin sa mga peke nga page sa social media nga naggamit og marketing, lakip na ang mga peke nga testimonya ug gipadako nga mga pag-angkon sa kahimsog.
Gipahibalo sa DOH ang fake page sa Department of Information and Communications Technology (DICT) aron kini tangtangon ug gidasig ang publiko nga sundon lamang ang opisyal nga mga social media account sa DOH.
