Magpahigayon og dako nga relief distribution ang Bombo Radyo Philippines ug Bombo Radyo Philippines Foundation Inc. pinaagi sa ilang OPLAN KABALAKA sa buntag sa Holy Cross Parish sa Barangay Calumpang, General Santos City.
Kabahin kini sa hinabang sa mga naapektuhan sa kusog nga Magnitude 7.8 nga linog nga miigo sa Mindanao niadtong Hunyo 8, 2026. Sa maong kalihokan, ipanghatag ang libuan ka sako nga bugas nga adunay 5 ka kilo matag usaaron makatabang sa mga pamilyang nag-atubang gihapon sa kalisod tungod sa kadaot nga nahatag sa linog.
Gilauman nga dako kining kahupayan alang sa mga pamilya nga naapektuhan sa kalamidad ilabina kadtong adunay naguba nga kabalayan ug naglisod sa ilang adlaw-adlaw nga panginabuhi human sa linog. Daghan sa mga residente ang padayon pang nagbangon gikan sa epekto sa maong trahedya.
Ang OPLAN KABALAKA usa sa mga programa sa Bombo Radyo Philippines ug Bombo Radyo Philippines Foundation Inc. nga nagtumong sa paghatag og dali nga ayuda sa mga komunidad nga naapektuhan sa mga kalamidad ug uban pang emerhensiya. Pinaagi niini, gipakita sa organisasyon ang ilang padayon nga paningkamot sa pag-abag sa mga Pilipinong nanginahanglan og suporta sa panahon sa kalisod.
