Gipaniguro sa Department of Health (DOH) nga adunay igong suplay sa libreng tambal para matambal ang Human immunodeficiency virus (HIV) ug testing kits.
Kini ang pasalig ni Health Secretary Ted Herbosa human girekomenda sa departamento ang pagdeklara sa HIV isip national health emergency human ang Pilipinas nanguna sa pinakataas nga ihap sa bag-ong HIV cases sa Western Pacific Region.
Matod sa kalihim, sa iyang pagbisita sa ospital sa San Lazaro, usa ka dakong treatment hub nga gipadagan sa gobyerno alang sa “people living with HIV” , kompleto ang ilang suplay sa antiretroviral drugs.
Matod niya nga ang usa ka pasyente gihatagan na karon og tulo ka buwan nga suplay sa pag-adto sa tambalanan ug subling gisuplayan sa ARV treatment matag tulo ka bulan.
Gipasabot usab sa kadagkoan sa DOH nga libre ang mga tambal nga gibayran sa Philippine Health Insurance Corporation (PhilHealth).
Ang HIV self-test kits mahimong mapalit sa mga botika sa nasud. Hinuon, si Sec. Giklaro ni Herbosa nga nagkinahanglan pa og confirmatory test ang mga magpa-HIV test sa treatment hubs.
